Жеткіншек жастағы балалардың тұлғалануын қалыптастыру және жетілдірудің кешенді психологиялық бағдарламасы

Мақсаты: Оқушылардың депрессиялық, агрессивтік, мазасыздық жағдайының алдын алу.
Міндеттері:

• Ұжымдық ортада оқушының өзіндік бағасын қалыптастыру;
• Оқушылардың депрессивті жағдайды туындатушы факторлар туралы сауаттарын ашу.
• Отбасылық, қоғамдық және ұжымдық қатынас мәдениетіне бейімделуіне қолдау көрсету;
• Өз өміріне жауапкершілік ала білуге үйрету;
• Мінез-құлықтағы ішкі кедергілері (сенімсіздік, ұяңдық, батылсыздық т.б) жеңе алуға қолдау жасау;
• Оқу үлгерім, құқықтық сауаттылық, этикалық қатынасты білу, қолдануға бейімдеу;
• Психологиялық қабілеттер мен қасиеттерін ашу, жетілдіру;

     2020 жылдың 16 қаңтар күні осы аталған бағдарламаны басшылыққа ала отырып, №178 лицейдің психологы Ж.Ағажанова 8 сынып оқушыларына «Он үш жас мүшелі деп, неге айтқан?» тақырыбында дөңгелек үстел өткізді. 
Мақсаты: Мүшелі жас ұғымын білу. Физиологиялық, психологиялық қарқынды өзгерістердің әсері мен оған сай қоғамдағы балалар көзқарасымен байқалатын сәйкессіздіктердің себептерін түсіндіру.