11
апрель
2024
Ғылым қызметкерлері күні мен академик Қаныш Сәтбаевтың 125 жылдығына орай оқушыларға арналған форум өтті
Қазақстан Президенті Іс басқармасының Президенттік орталығында еліміздегі Ғылым қызметкерлері күні мен академик Қаныш Сәтбаевтың 125 жылдығына орай оқушыларға арналған «Ғылыми білім, инновация және жастар – тұрақты даму негіздері» атты халықаралық ғылыми форум өтті.
Іс-шараны балалардың ғылыми шығармашылығын көтермелеу және қазақстандық оқушыларды халықаралық ғылыми қоғамдастыққа кеңінен тарту мақсатында ұйымдастырды. Форум жұмысына Қытай, Пәкістан, Тунис, Индонезиядан келген ғылымды дәріптеушілер, сондай-ақ Қырғызстан, Өзбекстан және еліміздегі оқушылар мен мұғалімдер қатысты.№ 178 мамандандырылған лицейдің білім шыңына ұмтылған дарынды оқушылары Нышанбай Ажар мен Жандарбек Тоғжан қатысып, Қазақстан Республикасының Ғылым және жоғары білім министрінің Алғыс хатымен марапатталды.
