28
февраль
2024
Санжар Асфендияров атындағы Қазақ Ұлттық Медициналық Университетімен бірлескен пәндік олимпиада
Лицейімізде Жаратылыстану кафедрасының "Ғылымның үш тірегі" тақырыбында онкүндік өтіп жатыр. Аталған онкүндікте лицей әкімшілігі және Жаратылыстану кафедрасы бірігіп, Санжар Асфендияров атындағы Қазақ Ұлттық Медициналық университетінің академиялық істер жөніндегі проректоры — Жанна Амантайқызының қолдауымен, аса көрнекті мемлекет және қоғам қайраткері, педагог, Алаш зиялысы, профессор — Санжар Асфендияровтың 135 жылдық мерейтойына орай "Медицина саласының майталман маманы — Санжар Асфендияров" тақырыбында 9-10 сыныптар арасында химия-биология пәндерінен пәндік олимпиада өткізілді. Бұл шара аталған университет пен мамандандырылған лицейдің кезекті өзара ынтымақтастық келісім негізінде МЕМОРАНДУМ арқылы жүзеге асырылды.