24
январь
2024
ҚЫЗ ТӘРБИЕСІ – ҰЛТ ТӘРБИЕСІ
«Қыз өссе – елдің көркі,
Гүл өссе – жердің көркі» – дейді дана халқымыз. Қызға қырық үйден тыйым деп те жатады. Қыз баланы тәрбиелеу – ұлтты тәрбиелеу деген сөз. Отбасы – қоғамның бір бөлшегі. Ал отбасының алтын қазығы – әйел адам. Бесігінде жақсы тәрбие алған, үлгі-өнеге көрген қыз бала – бүкіл бір ұлттың тағдыры мен болашағы. Осыған орай, №178 мамандандырылған лицейдің 9-11 сынып оқушы қыздарына психологиялық қолдау көрсету мақсатында «ҚЫЗ ТӘРБИЕСІ – ҰЛТ ТӘРБИЕСІ» тақырыбында қыздар жиналысы өтілді. Іс-шараға лицейіміздің психологы Ж.А.Агажанова және 9-10 сыныптың қыздары қатысты. Іс-шара барысында лицей психологы қазіргі таңдағы қыздар арасында белең алып жүрген мәселелер туралы сөз қозғап, «Қыз тәрбиесі – ұлт тәрбиесі» тақырыбында баяндама оқып, түсіндірме жұмыстарын жүргізді.
