Робототехника бойынша өткен ашық ойыннан 10 «В» сынып оқушысы Үмбет Әсел жүлделі оралды

     Индонезияның Депок қаласында «FIRST Tech Challenge» атты робототехника бойынша ашық ойындар өтті. Чемпионатқа Қазақстанның намысын қорғауға Алматы қаласынан «124» командасы қатысып, 7 жүлдені қанжығалаған еді. Міне, осы бірнеше мектептің 9-11 сынып оқушыларынан құрылған команданың құрамында өз үлесін қосқан жас жеңімпаз,  лицейіміздің 10 «В» сынып оқушысы Үмбет Әселді лицейдің оқушылары мен ұстаздары құрмет көрсетіп, қошеметпен күтіп алды. Лицей директоры Қ.Х. Шадиев лицейдің атынан барлық білім мен шеберлігін ұштастыра білген жас жеңімпазымыз бен жетекшісіне алғыс білдірді.