«Оқушыларды өмірге бейімдеу мен әлеуметтендірудегі кәсіби бағыт-бағдар берудің өзектілігі» атты халықаралық ғылыми-тәжірибелік кoнфepeнция өтті

     2023 жылдың 02-03 қараша аралығында Алматы қаласы №178 мамандандырылған лицейде «Оқушыларды өмірге бейімдеу мен әлеуметтендірудегі кәсіби бағыт-бағдар берудің өзектілігі» атты халықаралық ғылыми-тәжірибелік кoнфepeнция өтті. Конференцияда оқушыларды өмірге бейімдеу мен әлеуметтендірудегі кәсіби бағыт-бағдар берудің жолдарын қалыптастыру мәселесі бойынша озат ұстаздар тәжірибелерімен бөліседі. Заманауи қоғам, адам потенциалының негізгі ресурсы қарастырылады. 

     Халықаралық деңгейдегі іс-шараның ұйымдастырылуына педагогика ғылымдарының кандидаты, Абай атындағы ҚазҰПУ профессоры, университет бойынша педагогикалық цикл пәндері кафедрасының меңгерушісі Ш.Ж.Колумбаева, педагогика ғылымдарының докторы, Абай атындағы ҚазҰПУ профессоры Г.С.Саудабаева үлкен қолдау көрсетті. Ашылу салтанатын, лицей директоры, экономика ғылымдарының кандидаты, қауымдастырылған профессор К.Х.Шадиев алғы сөзбен бастап Алатау ауданы Білім бөлімінің басшысы К.М.Акмурзаева конференция қатысушыларына сәттілік тілеп, құттықтау лебізін білдірді.

     Директордың оқу ісі жөніндегі орынбасары Г.А.Даулетбаева пленарлық отырыстың отандық және шетелдік қонақтарымен таныстырды.

Конференция аясында баяндамалар оқып, сұрақ-жауап алмасты.