№178 лицей мұғалімдері көктемнің жайма шуақ күнінде табиғаттың тамаша құбылыстарын тамашалап қайтты

Үлкен қаланың үлкен артықшылығы – демалыс күндерін қызықты өткізуге мүмкіндіктердің көп болуы. Алматының табиғаты керемет, сол себепті қай жыл мезгілінде болса да демалысты табиғат аясында өткізуге болады. Әсіресе, көктем мезгілі көкке шығуға, табиғаттың тамаша құбылыстарын тамашалауға таптырмайтын уақыт. Мұғалімдердің тынымсыз тіршілігі апта бойы терең тыныстауға, табиғат аясында демалуға көңіл бөлуге мұрша бермей жатады. Ал демалыс күндерін бітпеген шаруаларын тындыруға арнайтын ұстаздар жаңа аптаға күш-қуат жинап үлгермей де жатады. Сондықтан, демалысты тиімді әрі көңілді, денсаулыққа пайдалы етіп өткізу мақсатында №178 лицей мұғалімдері көктемнің жайма шуақ күнінде табиғаттың тамаша құбылыстарын тамашалап қайтты.