06
октябрь
2022
Лицей кітапханасында «Әлемге әйгілі-Мұхтар Әуезов» тақырыбында оқу марафоны ұйымдастырылды.
Лицейде заманымыздың заңғар жазушысы Мұхтар Әуезовтың туғанына 125 жыл толуына орай жазушы мерейтойы аясында лицей кітапханасында «Әлемге әйгілі-Мұхтар Әуезов» тақырыбында оқу марафоны ұйымдастырылды. Жиналған оқушыларға Мұхтар Әуезовтың әдебиетші, қоғам қайраткері ғана емес, абайтану ғылымының негізін қалап, қалыптастырған зерттеуші екенін айта отырып, қазақ әдебиетінің заңғар шыңында тұрған классиктің шығармашылығымен таныстырып өткен қазақ тілі мен әдебиеті пәнінінің мұғалімі Н.Б.Женсикбаева тың ақпараттармен бөлісті. Кітапхана меңгерушісі Г.Жунисбекова М.О.Әуезовтің қаламынан туындаған көркем әдебиет туындыларынан көрме ұйымдастырды. Өзіндік ой-пікірін қалыптастыру, сөздік қорын молайту, көркем әдебиетке деген қызығушылығын арттыру мақсатында өтілген оқу марафоны өз дәрежесінде өтті.