II Республикалық «Абай әлемі» шығармашылық байқауы

Алматы қаласы Білім Басқармасының «Алматы дарыны» дарынды балалар мен талантты жастарды анықтау және қолдау жөніндегі орталығы ұйымдастырған II Республикалық «Абай әлемі» шығармашылық байқауының «Мен жазбаймын өлеңді ермек үшін...» бағыты бойынша ақындар мүшәйрасының қалалық кезеңінен мамандандырылған лицейдің 8 «Ж» сынып оқушысы Төкен Ақжол жүлделі 1-орынды иеленді. Әдебиетті сүйіп оқитын ақын жанды шәкіртіміз аталмыш сайыстың аудандық кезеңінде де оқ бойы озып шығып,1-орынды қанжығасына байлаған болатын. Ақжолға алдағы Республикалық кезеңнен де сүрінбей өтуін тілейміз! Қаламың қарымды болсын, жас талант!