Қазақстан тарихы және өзін-өзі тану пәндері бойынша оқушылар пәндік олимпиаданың аудандық кезеңін аяқтады.

   2022 жылдың 14-22 ақпан аралығында "Дарын" республикалық ғылыми-практикалық орталығының ұйымдастыруымен республикамыздың барлық өңірінде жалпы білім беретін пәндер бойынша аудандық пәндік олимпиада өткізілді. 2022 жылдың 22 ақпан күні Қазақстан тарихы және өзін-өзі тану пәндері бойынша оқушылар өз білімдерін сарапқа салып, пәндік олимпиаданың аудандық кезеңін аяқтады. Жаратылыстану-математика және қоғамдық-гуманитарлық бағыттан жалпы 14 пәннен Алатау ауданы бойынша 668 оқушы білім сынағынан өтті. Барлық қатысушыларға №178 мамандандырылған лицейден жалынды сәлем жолдай отырып, келесі қалалық кезеңде сәттілік тілейміз!