"Ұлттық бірыңғай тестілеу"

2019 жылдың 7 ақпан күні түлектерге және ұстаздарға арналған онлайн конференция өтті.Конференцияға №178 лицейдің 11 сынып оқушылары мен пән мұғалімдері қатысты.  Конференцияда 2019 жылдан бастап жоғары оқу орнына ақылы негізде түсу үшін ҰБТ жылына 4 рет, яғни қаңтар, наурыз, маусым-шілде, тамыз айларында өткізілетіндігі айтылды.Сонымен қатар, қаңтар, наурыз, тамызда өтетін тестілеуді тапсыру арқылы талапкер ЖОО-ның тек ақылы бөліміне түсуге мүмкіндік алады. Ал, мемлекеттік білім грант конкурсына қатысу үшін міндетті түрде маусым айында өтетін Ұлттық бірыңғай тестілеуге қатысуы тиіс екендігі, ЖОО-ның ақылы бөліміне оқуға түсу үшін талапкерге жылына 4 рет өткізілетін ҰБТ-ның кез келгеніне қатысып, шекті балл жинау жеткілікті екендігі айтылды.