Физика және информатика кафедрасының мұғалімдері Алматы қаласының пәндік сессиялық отырысына қатысты

2021 жылғы 20 тамыз күні "Қашықтықтан оқыту жағдайында оқушылардың біліміндегі олқылықтарды жою және олардың орнын толтыру" мақсатында Алматы қаласының пәндік сессиялық отырысы онлайн форматта өтті. №178 мамандандырылған лицейдің физика және информатика пәндер мұғалімдері қатысып, алдағы оқу жылына қойылған міндеттемелермен танысты.
Білім – тамыры терең, танымы мол ерекше ұғым. Ұлы жазушы Мұхтар Әуезов «Білім – бақтың жібермейтін қазығы» деп білім мен бақыттың ажырамайтыны туралы нақыл сөз айтқан. Олай болса, білімді әрі бақытты жастарды тәрбиелеу бүгінгі ұстаз атқарып отырған ұлағатты іс. Осыған байланысты, білім саласы үнемі жетіліп, жаңарып отыруды, жаңа көзқарасты, жаңашылдықты талап етеді.
Алматы қалалық "Педагог-шебер" - озық тәжірибе" бағдарламасын іске асыру - озық педагогикалық тәжірибені тарату бойынша бірыңғай шығармашылық, инновациялық кеңістік құрудың маңызды факторы ретінде лицейіміздің физика пәнінің мұғалімі Слямгалиева Гүльнар Набиевна "Физика сабағында қашықтан оқыту арқылы бала тұлғасының бәсекеге қабілеттілігін қалыптастыру" тақырыбында өз тәжірибесімен бөлісті.
Жаңа оқу жылы баршамызға құтты болсын! Жұмыстарыңызға сәттілік тілейміз!!!

Осы беттің QR-коды:
QR-код этой страницы: