Жалпы ата-аналар жиналысы өткізілді

2021 жылдың 22 қаңтар күні Алматы қаласы Алатау ауданы №178 мамандандырылған лицейде сағат 15:00-де 5-11 сынып ата-аналарына жалпы ата-аналар жиналысы онлайн режимде өткізілді.

Жиналысты лицей директоры Шадиев Кайратбек Хамзаханович бастап, ата-аналарды ІІІ тоқсанның ерекшелігі - аралас оқыту форматымен таныстырды.

Сонымен қатар, жиналыста төмендегі мәселелер қаралды:

1. «Баланың бас ұстазы –  ата-ана». Психолог Бақыт Дастанқызының кеңесі.

2. «Аралас оқыту форматында мектеп пен ата-ананың рөлі». Баяндамашы - ДОІЖО К.С. Шажабаева.

3. І жартыжылдық бойынша лицей жетістіктері. Баяндамашы - ДОІЖО Н.Е. Досқожаева.

4. Аралас оқыту форматындағы лицейдің ішкі тәртібі.  Баяндамашы - ДТІЖО Б.Н. Кутумов.

Жиналыс барысында ата-аналар өздерінің тараптарынан лицей ұжымына ризашылығын білдіріп, әртүрлі сұрақтарға жауап алды, өздерінің ұсыныстары мен пікірлерін білдірді. Лицей әкімшілігі де ата-аналар тарапынан көрсетілген көмектерге алғысын білдірді. «Ұл-қыздарымыздың саналы тәрбие мен нақты білім алуына жұмыла күш салайық. Баланың ерік-жігерін шыңдап, оқыту мен адамгершілікке тәрбиелеп, бірлесе, ынтымақтаса әрекет етейік» – деп лицей директоры жиналысты қорытындылады.