"Менің кіші Отаным" атты ІІІ республикалық интеллектуалдық конкурсы

Қазақстан Республикасының Тұңғыш Президенті Н.Ә.Назарбаевтың "Болашаққа бағдар: рухани жаңғыру" атты мақаласындағы "Туған жер" бағдарламасы аясында "Дарын" республикалық ғылыми-практикалық орталығы 2020 жылғы қараша айының 3-5 күндері аралығында жас тарихшылардың "Менің кіші Отаным" атты ІІІ республикалық интеллектуалдық конкурсы өткізілді. Конкурсқа Қазақстанның барлық облыстарынан бірнеше  командалар қатысқан. Конкурстың аудандық кезеңіне 6658 оқушы, облыстық кезеңіне 1166 оқушы қатысса, республикалық қорытынды кезеңде 88 оқушы бәйгеге түсіп бақтарын сынады. Алматы қаласы Алатау ауданы №178 лицейдің 9 сынып оқушысы Байжұма Бексұлтан осы конкурста жүлделі ІІІ орынға ие болды. Сонымен қатар, Бексұлтанға "Power Bank" зарядтағышы сыйға тартылды. Құтты болсын!