Лицейіміздің биылғы түлектері - 11-сынып оқушылары мамандық таңдау мақсатында "Майталман маман иесі бол, Дұрыс таңдау жаса!" тақырыбында эссе жазды.  Мақсаты: 11-сыныпқа қадам басқан оқушыларға алдын ала маңызды ақпараттарды беріп, олардың мамандық таңдауына ықпал ету. Сондай-ақ эссе оқушылардың қандай мамандықтарға сұранысы жоғары екенін анықтау мақсатында алынды.

     Лицей оқушылары "Alpha Academy" білім беру орталығы ұйымдастырған оқушыларға кәсіби бағдар беру, әлемнің үздік университеттеріне қалай грантқа түсу, пәндік олимпиадаларда қалай жеңімпаз атану, т.б. бағытта Алматы қаласының оқушыларымен өткен форумға қатысты. Белсенді шәкірттеріміз академияның арнайы сыйлықтарымен марапатталып, маңызды ақпараттармен ой бөлісті.      Кең көлемде шараны өткізгені үшін ұйымдастыру алқасына өз алғысымызды білдіреміз!

     2023 жылдың 27 қыркүйегінде көркем еңбек пәні мұғалімінің ұйымдастыруымен «Қарты бар үйдің, қазынасы бар!» атты сурет көрмесі өткізілді. Көрмеге 7-8 сынып оқушылары өз туындыларын ұсынып, ашықхаттар дайындады.

📚Лицей оқушыларының белсенді азаматтық ұстанымдарын қалыптастыру, өскелең ұрпақ арасында өзін-өзі білім қажеттілігін дамыту, шешендік өнерге үйрету мақсатында Оқушылардың өзін-өзі басқару ұйымы Дебат қозғалысы фракциясы бойынша 3 тілде дебат клубтары жұмыс жасауда. Соның ішінде, екіжақты келісімшарт негізінде «Тұран» университетінің студенттік лигасы «SIRIUS» интелектуалды дебат клубы лицейіміздің «Алаш жастары» дебат клубымен бірлесе лицей оқушыларына көрсетілім-ойын өткізді.

     “Кітапханаға кітап сыйла” акциясына өз үлестерін қосу мақсатында №178 мамандандырылған лицейдің қазақ тілі мен әдебиеті пәнінің мұғалімдері Аметова С.У. және Женсикбаева Н.Б. мақал-мәтелдер жинағы мен оқырмандардың туған жерге деген сүйіспеншілігін, патриоттығын арттыруда  өлеңдер жинағын сыйға тартты.      “Кітапханаға кітап сыйла” акциясының әлі де аяқталмағандығын еске салып, сіздерді де атсалысуға шақырамыз!

Қамқоршылық кеңестің №2 отырысында қаралған мәселелер:1. 25-қазан Республика күніне орай мереке құрметіне "№178 мамандандырылған лицей" КММ-нің қызметкеріне сыйақы беру туралы.2. 2023-2024 оқу жылы бойынша №178 мамандандырылған лицейдің кіріс-шығыс есебімен таныстыру. 3. Сенім телефонымен сенім жәшігі жұмысының жүргізілуін ұйымдастыру.

     ♟️ Қалалық шахмат турнирінде 14 жаска дейінгі жасөспірімдер арасында ағымдағы оқу жылында лицейге қабылданған 7 «Г» сынып оқушысы Нұрбақыт Ерсұлтан I орын, 4 разрядқа дейінгі оқушылар арасында 7 «Г» сынып оқушысы Қуаныш Мейірлан I орынды жеңіп алды. 🏆 Жеңістеріңіз бен жетістіктеріңіз көп болсын!

     Алматы қаласы бойынша Оқушылар сарайында 30 команда арасында "Shapagat Cup I" қалалық пікірсайыс турнирінде №178 мамандандырылған лицейдің 10 "Е" сынып оқушысы Иса Ботакөз 1-орын иеленіп, жеңімпаз атанды.         Жетекшісі: қазақ тілі мен әдебиеті пәнінің мұғалімі Рапилова Эльмира Жанатқызы

     «Төрт тоқсан – төрт өнер» ұлттық мәдени-ағартушылық жобасы аясында «Туған жерім – мақтанышым» тақырыбында лицейішілік айтыс өткізілді. Айтысқа 8-11 сынып оқушылары қатысып, тартысты өнер көрсетті.        Айтыс мақсаты: ұлттық рух пен патриотизмді, өз халқына және оның дәстүрлеріне құрмет сезімін тәрбиелеу, эмоционалды интеллекті қалыптастыру, айтысты қазақ халқының ұлттық құндылығы, шешендік өнердің баға жетпес мұрасы ретінде дәріптеу арқылы дарынды шығармашыл жастарды анықтау.

Жас ұрпақты жан-жақты жетілдіру, өрісі, ақыл-парасаты биік, өз Отанын шексіз сүйіп, мақтан ететін азамат етіп тәрбиелеу  – қоғам алдында тұрған киелі борыш десек, мұндағы басты тұлға – мұғалім екені белгілі.  Осы орайда, 2023 жылғы 21 қыркүйекте «№204 ЖББМ» КММ-де «Эссе жазудың сырлары» атты жас мамандарға арналған аудандық әдістемелік семинар өткізіліп, лицейіміздің жас маманы Советбек А.Б.қатысты. Әдістемелік семинар мақсаты: эссе жазудың теориясы мен талаптарын талқылау, педагог мамандардың