Ғылым мен технология қарыштап дамыған қазіргі заманда физика мен информатиканың маңызы ерекше. Осыған орай №178 мамандандырылған лицейде физика–информатика кафедрасының ұйымдастыруымен «Физика – табиғат сыры, информатика – заман тілі» атты пәндік онкүндіктің ашылу салтанаты өтті. Онкүндік 19–29 қаңтар аралығында өтеді. Бұл кезең – ғылымға деген қызығушылықты арттырып, жаңашыл ой мен шығармашылықты дамытуға бағытталған маңызды іс-шаралар легі. Физика – табиғат құбылыстарының заңдылықтарын

Лицейдің кәсіби бағдар беру маманы Тілеужан Әбілқайыр 9 "А", "Г", "Д" сыныптарының ата-аналарына "Дұрыс таңдау жаса!" тақырыбында түсіндірме жұмыстарын жүргізді. Кездесу барысында оқушылардың болашақ мамандықты саналы таңдауы, қабілет пен қызығушылықты ескеру, ата-ананың бағыт-бағдар берудегі рөлі туралы маңызды ақпараттар айтылды. Ата-аналар тарапынан сұрақтар қойылып, кері байланыс жасалды. Мұндай кездесулер – оқушының болашағына жасалған маңызды қадам.

Лицейімізде «Жаңа ұрпақ және отбасы тәрбиесі: жаңа талаптар, жаңа көзқарас» тақырыбында жалпы ата-аналар жиналысы ұйымдастырылды. Жиналыстың негізгі мақсаты – қазіргі қоғам жағдайында бала тәрбиесіндегі отбасының маңызын айқындау, ата-ана мен лицей арасындағы өзара ынтымақтастықты нығайту және білім алушылардың тұлғалық дамуына ықпал ететін өзекті мәселелерді талқылау болды. Жиналыс барысында психология ғылымдарының докторы Жасұлан Сейткалиев сөз сөйлеп, қазіргі қоғамдағы бала тәрбиесінің

6-сынып оқушылары арасында буллинг және кибербуллинг тақырыптарында түсіндіру жұмыстары жүргізілді. Сабақ барысында оқушыларға буллингтің түрлері, оның себептері мен салдары түсіндіріліп, киберкеңістіктегі қауіпсіз мінез-құлық ережелері талқыланды. Оқушылар шағын топтық тренингке қатысып, эмпатия, достық қарым-қатынас, жауапкершілік дағдыларын дамытуға бағытталған жаттығулар орындады. Сонымен бірге, қиын жағдай туындаған кезде кімге жүгіну керек екені түсіндіріліп, мектептегі сенім ресурстары

Лицейдің олимпиадалық резервінде білім алып жүрген дарынды да талапты оқушыларымыз Республикалық физика-математика мектебінде өткен «Білім» көрмесіне белсене қатысты. Көрме барысында оқушылар білім беру саласындағы заманауи бағыттармен, жетекші оқу орындарының мүмкіндіктерімен, түрлі білім беру бағдарламалары мен инновациялық жобалар туралы маңызды әрі пайдалы ақпараттармен танысты. Сонымен қатар, білім бәсекесінде жетістікке жету жолдары, болашақ мамандықты дұрыс таңдау, ғылыми-зерттеу

Білімге деген құштарлық, табандылық пен тынымсыз еңбектің нәтижесі өз жемісін берді. №178 мамандандырылған лицейдің 11 «Е» сынып оқушылары — Аманжол Ералы мен Жұмабек Қажыкелді Алматы қаласы әкімінің Алғыс хатымен және 300 000 теңгелік сертификаттармен марапатталды! Бұл – тек жеке жетістік қана емес, бүкіл лицей ұжымы мен ұстаздардың, ата-аналардың ортақ жеңісі. Осындай биік белестерді бағындырған шәкірттеріміз — еліміздің жарқын болашағының айқын көрінісі.  Алға, жас таланттар! Жаңа жеңістер