«Физика – табиғат сыры, информатика – заман тілі» онкүндігінің ашылуы

Ғылым мен технология қарыштап дамыған қазіргі заманда физика мен информатиканың маңызы ерекше. Осыған орай №178 мамандандырылған лицейде физика–информатика кафедрасының ұйымдастыруымен «Физика – табиғат сыры, информатика – заман тілі» атты пәндік онкүндіктің ашылу салтанаты өтті.

Онкүндік 19–29 қаңтар аралығында өтеді.

Бұл кезең – ғылымға деген қызығушылықты арттырып, жаңашыл ой мен шығармашылықты дамытуға бағытталған маңызды іс-шаралар легі.

Физика – табиғат құбылыстарының заңдылықтарын зерттесе, информатика – сол білімді заманауи технологиялармен ұштастыратын жетекші күш.

Физика мен информатика – болашақ мамандықтардың берік негізі. Аталған онкүндік әрбір оқушыға өз қабілетін танытып, білімін шыңдауға және болашақ мамандығына бір қадам жақындауға мүмкіндік береді.