Білім көрмесі - дарынды оқушылардың шығармашылық орталығы

Лицейдің олимпиадалық резервінде білім алып жүрген дарынды да талапты оқушыларымыз Республикалық физика-математика мектебінде өткен «Білім» көрмесіне белсене қатысты. Көрме барысында оқушылар білім беру саласындағы заманауи бағыттармен, жетекші оқу орындарының мүмкіндіктерімен, түрлі білім беру бағдарламалары мен инновациялық жобалар туралы маңызды әрі пайдалы ақпараттармен танысты. Сонымен қатар, білім бәсекесінде жетістікке жету жолдары, болашақ мамандықты дұрыс таңдау, ғылыми-зерттеу бағыттары жөнінде кең мағлұмат алды. Аталған іс-шара оқушылардың таным көкжиегін кеңейтіп, білімге деген қызығушылығын арттырып, алдағы мақсаттарын нақтылауға үлкен ықпал етті.