№178 мамандандырылған лицейде 5-8 сынып оқушылары арасында «Күз кереметі» тақырыбында сурет байқауы өткізілді. Мақсаты – оқушылардың шығармашылық және көркемдік қиялдау дағдыларын дамытуға мүмкіндік туғызу. Өнер саласында эстетикалық талғамын, қабілеттері мен дағдыларын қалыптастыру.

Әл-Фараби атындағы Қазақ ұлттық университетінің жанынан құрылған "Сұңқар" студенттер мен магистранттарға арналған ұйымының төрайымы Аружан Рүстемқызы "Ел жастары" ұйымының белсенді оқушыларымен кездесіп, аталған жоғары оқу орнымен бірігіп, бірлесе жұмыс атқаруға шақырды.

    Лицей тәлімгері Әбілқайыр Тілеужан 5-6 сыныптарда оқитын лицейіміздің ер балалары арасында жиналыс өткізді. Оқушыларға күзгі каникул кезінде қауіпсіздік ережелерін сақтауға және ІІ тоқсанда лицейде өтетін іс-шаралардың жоспарларымен таныстырды. Жиналыс барысында 5-6 сыныптар арасындағы ер балалардың төрағасы болып Абылай Бейбарыс сайланды.