Лицей мұғалімі Ұлы Абайдың мерейтойына орай ұйымдастырылған байқаудың жеңімпазы атанды

Алатау ауданына қарасты №178 лицейдің қазақ тілі мен әдебиеті пәнінің мұғалімі Исабаева Бальмира Таупыковна Абай Құнанбайұлының  175 жылдық мерейтойына орай білім беру мен оқушылары арасында өткен  «Абай мұрасы  – Қазақтың қасиетті қазынасы» атты халықаралық байқауының жеңімпазы атанып, мақаласы материалдар жинағына енді.  Сондай-ақ ҚР «Bilim órkenieti» ұлттық инновациялық  ғылыми-зерттеу орталығы атынан Білім мен ғылым саласына қосқан айрықша еңбегі  және Абай мұрасына деген құрметі үшін  «Абай Құнанбайұлы»  төсбелгісімен марапатталып, арнайы куәліктің иегері атанды.
Лицейіміздің барша мұғалімдері атынан Бальмира Таупыковнаны айтулы жетістігімен құттықтаймыз! Білім мен ғылым жолында талмай  еңбек етіп, оның дамуына өлшеулі үлес қоса беруіне тілектеспіз.