Алматы қалалық ББЖТҒӘО ұйымдастыруымен «Кәсіп тест» өткізілді
№178 лицей 9 және 11-сынып оқушыларына кәсіптік бағыт бағдар беру бойынша Алматы қалалық Білім Берудегі Жаңа Технологиялардың ғылыми-әдістемелік Орталығының ұйымдастыруымен «Кәсіп тест» өткізілді.
Кәсіптік бағдар беру - қоғамның қажеттілігіне қарай әрбір оқушының қабілеттілігі мен бейімділігін ескере отырып, кәсіпке қызығушылығын қалыптастыруға және болашақ мамандығын саналы түрде таңдауға көмектесуде, мақсатты атқарылатын жұмыс. Кәсіптік бағдар беру жұмысы жас ұрпақтың саналы түрде болашақ мамандығын қателеспей таңдауға мүмкіндік жасайды.
2020 жылдың 8-22 ақпан аралығында 9, 11-сынып оқушыларынан кәсіптік бағыт бағдар беру, болашақ мамандықтарын таңдауға бағытталған «Кәсіп тест» тест алынды. Тестке барлық 9, 11 сынып оқушылары қамтылды. Жалпы саны 607 оқушы. Тесттің нәтижесімен тест аяқталғаннан соң оқушылар танысып отырды. Сұрақтарға жауап беру арқылы, тесттің нәтижесі бойынша оқушыларға ұсынылып отырған мамандықтар бағыты, бейіндік пәндер, ұсынылатын мамандықтар бағыты бойынша ЖОО-ның топтамасы көрсетілді. Тесттің нәтижелері оқушыларға таратылып берілді.
