03
апрель
2024
Ынтымақтастық келісім жасаған қаламыздағы университеттердің бірі бүгін лицейімізге арнайы келді
IT және ақпараттық технология мамандарын тереңдете дайындайтын қаламыздағы жоғары оқу орындарының бірі, Халықаралық Ақпараттық Технологиялар Университетінің кәсіби бағдар беру бойынша мамандары бүгін лицейімізге арнайы келіп, 10-11 сынып оқушыларына кәсіби бағдар беру бойынша түсіндірме жұмыстарын жүргізді. Арнайы келген мамандар университет тынысы мен халықаралық және академиялық ұтқырлық жайында, ішкі және мемлекеттік гранттар жайында, практикалық орталықтары мен сенімді серіктестері жайлы т.б маңызды тақырыптарды кеңінен қамтыды. Сондай-ақ алдағы уақытта аталған университетке лицей оқушылары саяхат-сабағына бару мүмкіндігіне ие болды. Биылғы оқу жылында лицей әкімшілігі жасаған кезекті ынтымақтастық келісім меморандум өз жемісін беруде. Университет мамандары лицейіміздің ішкі атмосферасына қызығушылық танытып, жүрекжарды жылы лебіздерін білдірді.
