26
март
2024
Биыл жалпы білім беретін республикалық олимпиаданың қорытынды кезеңі жаңа форматта өткізілуде
Биыл жалпы білім беретін республикалық олимпиаданың қорытынды кезеңі жаңа форматта өткізілуде. География және информатика пәндері бойынша республикалық олимпиаданы өткізу Алматы қаласының еншісіне бұйырды. Алматы қаласының заманауи білім беру жүйесіндегі озық тәжірибелері мен жетістіктерін еліміздің әр түкпірінен келген команда жетекшілеріне таныстыру мақсатында №178 мамандандырылған лицейде іс-шаралар ұйымдастырылды.
Іс-шара барысында №178 лицейдің Финляндия, Эстония және Сингапур сынды елдердегі тәжірибені оқу үдерісіне енгізу жұмыстары ұсынылды. Атап айтқанда, цифрлық трансформациялау, робототехника және STEM, жасанды интеллектті білімге интеграциялау, сондай-ақ цифрлық менеджмент мәселелері бойынша тәжірибелерге баса назар аударылды