Лицей командасы «Мектеп ұлттық лигасы» аясында 9-11 сынып оқушыларының ұлдар арасында волейболдан өткен аудандық іріктеу турнирінде жеңімпаз атанды

     23.12.2023 күні Алматы қаласы Алатау ауданы №178 мамандандырылған лицейде «Мектеп ұлттық лигасы» аясында 9-11 сынып оқушыларының ұлдар арасында волейболдан аудандық  іріктеу турнирі өтті. Мақсаты: 1. Жасөспірімдер арасында бұқаралық спортты дамыту, салауатты өмір салтын насихаттау; 2. Лига жарыстары барысында жасөспірімдер арасында командалық  рух қалыптастыру; 3. Қалалық жарысқа ойыншыларды іріктеу. Әр аймақтан ең мықтылар бас қосқан топтық жарыста командалар өзара шеберлік сынасты. Командалар арасында ойын өте қызықты, тартысты өтті. Қызу, тартысты өткен жарыстың нәтижесі бойынша 1-орынды №178 мамандандырылған лицей командасы қанжығаларына байлап, қалаға жолдама алды. Алдағы уақытта өтетін қалалық жарыста лицей командасына сәттілік, жеңіс тілейміз!