«Тиімді әдіс тәсіл – сапалы сабақ кепілі» тақырыбында дөңгелек үстел өткізді.

    №178 мамандандырылған лицей директорының оқу ісі жөніндегі орынбасары Дәулетбаева Гүлнафис Абатовна қазақ тілі мен әдебиеті пәнінің мұғалімдерімен «Тиімді әдіс тәсіл – сапалы сабақ кепілі» тақырыбында дөңгелек үстел өткізді. Кәсіби пікір алмасу барысында мұғалімнің өзіне ыңғайлы әрі қолайлы, жұмыс істеуді жөн көретін парадигмаға сай мазмұндық нысанды таңдап алу қажеттілігі айтылды. Кафедра жетекшісі, педагог-зерттеуші Р.С. Сәтбаева айтылған мәселеге байланысты сабақ құрылымының бірнеше талаптарын ұсынды. Әрбір сабақтың нақты мақсаты, мазмұны, жоспары және сабақтың мазмұны өмірмен байланысты болуы екендігін ұсынса, педагог-зерттеуші Ж. Етекбаева оқыту мақсатының сабақ мазмұнына ерекше әсерін, мақсатқа сай сабақтың өзіндік дидактикалық міндеттерін алдын-ала ойластырылу қажеттігін атап өтті. Дөңгелек үстел әдістемелік тәжірибе алмасу тұрғысында өз мақсатына жетті.