«Мен OFFLINE (оффлайн)» республикалық акциясы

№178 лицейде Халықаралық интернетсіз күніне арналған «Мен OFFLINE (оффлайн)» республикалық кең ауқымды балалар акциясының іс-шара жоспары құрылып, жоспар бойынша жұмыс жүргізілуде. Акция мақсаты - интернетке тәуелділіктің алдын алу, кәмелетке толмағандардың Интернет белсенділігін бақылауға қатысты ересек интернет-қызметтерді пайдаланушылардың жауапкершілігін, Интернет-пайдалану мәдениетін арттыру. 5-11 сыныптарда «Қауіпсіз интернет» атты тақырыпта сынып сағаттары өткізілді. Сынып сағат барысында оқушыларға интернетті дұрыс пайдалану жолдары, зияны мен пайдасы туралы түсінік берілді. Сонымен қатар 5 сыныптарда «Мен интернетсіз бір күнді қалай өткіздім?» тақырыпта эссе жазылды, сонымен қатар сурет байқауы өтті.