9 мамыр – Жеңіс күні құтты болсын! Бұл күн ұрпаққа тағлымы мол өшпес із қалдырды. Сондықтан ерлікке толы тарихымыздың мәңгілік ұмытылмас парағы болып қала бермек. Бүгінгі ұрпақ аға буын ардагерлер танытқан қаһармандық пен қайсарлықтан үлгі алып, бой түзеп келеді. Ауданымыздың соғыс ардагерлері мен тыл еңбеккерлерін №178 мамандандырылған лицейдің "Жас Star" парламент ұйымының оқушылары Ұлы Жеңіс мерекесімен құттықтап қайтты.

N178 мамандандырылған лицейдің кітапханашылары мен алғашқы әскери және технологиялық дайындық пәнінің мұғалімі Құрмансейтов Бауыржан Абайұлы 6-10 сынып оқушылары арасында "Ұрпаққа ұран болған–Ұлы жеңіс" тақырыбында дөңгелек үстел ұйымдастырды. Мақсаты: оқушыларды бейбітшілікті сақтауға және нығайтуға, Отанын сүюге, оны қорғауға баулу, өз елін, жерін қастерлейтін саналы да парасатты азамат етіп тәрбиелеу.