Лицейіміздің талантты оқушыларының бірі Талғатқызы Раиса Түркияның Анталья қаласында Би өнері бойынша халықаралық байқауға қатысып, жеңімпаз ретінде танылып, Гран-при иегері атанды. Жеңімпаз оқушымызға лицей директоры Қайратбек Хамзаханұлы құрмет көрсетті.  

  "Ел жастары" клубының белсенді оқушылары лицей директоры Шадиев Қайратбек Хамзаханұлының арнайы алғыс хатымен марапатталды. 2021-2022 жылы оқу жылын да белсенді болып, қоғамдық жұмыстарға қатысып, өз үлестерін қосқаны үшін 5-11 сынып аралығындағы белсенді оқушыларға құрмет көрсетілді. Жыл бойы белсенді болып, лицейіміздің атмосферасын жасауда өз үлестерін қосқаны үшін лицей әкімшілігі атынан белсенді оқушыларымызға алғысымызды білдіреміз.

   №178 мамандандырылған лицейде 8-сынып оқушыларымен «Зорлық-зомбылықтың алдын алу» тақырыбында №29 қалалық емхананың «Жастар денсаулық орталығы» психолог мамандары Ұ.С. Жұмабаева мен А.Т. Алемова және лицей психологтары Ж.А. Агажанова мен Г.Ж. Жамалова бірлесе отырып оқушыларға семинар тренинг өткізді. Тренингтің негізгі мақсаты: Оқушыларға зорлық-зомбылық туралы жан-жақты мағлұмат беру. Өз құқықтарын қорғай білуге үйрету. Зорлық-зомбылықтың алдын алу бойынша түсіндірме жұмыстары жүргізілді.