⚜️ Ұлыстың ұлы күні Наурыз – жаңару мен жасампаздықтың бастауы, ырыс-берекенің арқауы, тек адамзаттың ғана емес, табиғаттың да жаңарып, бой түзейтін шағы. Күн мен түннің теңеліп, жан-дүниені тірілткен, төрт түлік төлдеп, арқа-басы кеңіп, аққа аузы тиген, қытымыр қыстың ызғарынан құтылып, алдағы шуақты күндерден үміттендірген Наурыз мерекесі Тәуелсіз елімізде зор ықыласпен тойланады. Осы мерекеге орай лицейдің кітапхана меңгерушісі Гүлшира Жүнісбекова дөңгелек үстел өткізіп, оқушыларға Наурыз

 

     🎁 N178 мамандандырылған лицейде Наурыз мерекесі қарсаңында лицейішілік жоспарға сәйкес “Бауырсақ party” атты жәрмеңке өткізілді. Мақсаты: оқушыларды кәсіпкерлікке баулу, шағын бизнес арқылы қайырымды игі іс жасап, қарияларға көмек көрсетуге тәрбиелеу. Қайырымдылық жасаудан шаршамайық!

     📌 N178 мамандандырылған лицейде "Адал ұрпақ" ерікті лицей клубының ұйымдастыруымен "Адалдық дүкені" ашылды. Мақсаты – қоғамда сенім атмосферасын қалыптастыру және оқушыларға өздерін жақсы, адал адам ретінде тануға мүмкіндік беру. 📌 “Адалдық дүкенінде” мұғалімдер мен оқушылар өздеріне қажетті заттарды алып, алынған тауар үшін ақшаны кассалық жәшікке қалдыруда. Сатушысы жоқ дүкеннің басты ерекшелігі де осында, яғни сатып алушылар өзіне тек адалдық принципі бойынша қызмет көрсетуде.

      N178 мамандандырылған лицейде 22 наурыз мерекесіне арналған «Ұлыстың ұлы күні – Наурыз» тақырыбында мерекелік концерт ұйымдастырылып өткізілді. Мақсаты: Наурыз мерекесінің қазақ даласындағы орны, Наурыз мерекесін ұлттық салт - дәстүрімізбен, әдет-ғұрпымызбен байланыстыра насихаттай отырып, ұрпақтардың өз ұлтына деген сүйіспеншілігін арттыру. Ұлыстың ұлы күні – Наурыз мерекесі баршамызға құтты болсын, бақыт әкелсін! Ұлыс оң болсын, ақ мол болсын!