№178 мамандандырылған лицейде Қарттар күні айлығы аясында «Мейірімділік пен жақсылық» тақырыбында 5-11 сыныптар арасында сынып сағаты өткізілді. Мақсаты: байтақ еліміздің асыл қазынасы, байлығының бірі ол осы абзал жандарды, отбасының берекесі мен бейбітшілігін сақтап келе жатқан, өскелең ұрпаққа өз ақылдарын айтып отыратын ардагерлерді сыйлап құрметтеуге, оларға мейірім танытып, әрдайым көмек көрсетуге үйрету.

    Жаңартылған білім беру мазмұнына сәйкес оқушылардың білімін жүйелі бағалау мақсатында №178 мамандандырылған лицейде бөлім бойынша жиынтық бағалау жұмыстары (БЖБ) санитарлық талаптарды сақтай отырып, офлайн форматта алынуда. БЖБ үдерісі оқушының белгілі бір бөлім тақырыптарын аяқтауынан жинақтаған білімі мен дағды деңгейін анықтауға мүмкіндік береді.

"Кәсіпкерлік және бизнес негіздері" пәні мұғалімі Абдраимов Айдынның ұйымдастыруымен №178 мамандандырылған лицейде Алатау ауданы "Атамекен" кәсіпкерлік палатасының директоры Казыкенов Айбек Олжабекұлымен онлайн кездесу өткізілді. Кездесуге 9-10 сынып оқушылары қатысып, бизнес саласындағы мәселелер бойынша сұрақтар талқыланып, кең ауқымды мағлұмат берілді.

№178 мамандандырылған лицейде Ыбырай Алтынсариннің 180 жыл толуына орай қазақ тілі мен әдебиеті пәнінің бірлестік кафедрасының ұйымдастыруымен "Ұстаздардың ұстазы" тақырыбында әдеби кеш ұйымдастырылып өткізілді. Мақсаты: алғашқы ұстаз, ұлы ағартушы Ыбырай Алтынсариннің өмірі мен шығармаларын оқырманға таныстыру. Ыбырай Алтынсариннің шығармалары арқылы жастарды имандылыққа, адамгершілікке, еңбекқорлыққа тәрбиелеу.  

2021 жылдың 09 қазаны сағат 10:00-де ZOOM платформасында №178 мамандандырылған лицейдің 10-11 сынып ата-аналарымен "лицей – бала – ата-ана" қарым-қатынасы мен өзара ықпалдасуына қатысты психологиялық-педагогикалық қолдау бойынша барлық толғандыратын мәселелерде ата-аналарға пәрменді көмек көрсету мақсатында онлайн-кездесу өтті. Ата-аналарға арналған онлайн-сұхбатқа лицей директоры, директордың оқу-тәрбие ісі жөніндегі орынбасарлары, лицей психологы, лицейдің 10-11 сынып оқушыларының ата-аналары

178 мамандандырылған лицейде «Құқық бұзушылыққа жол жоқ!» тақырыбында 5-11 сыныптар арасында ұлдар жиналысы өткізілді. Мақсаты: оқушылардың құқықтық сауаттылығын арттырып, құқық бұзушылық және қылмыс белгілерімен, түрлерімен таныстыру, жасөспірімдердің құқықтары мен міндеттерімен таныстыру. Қоғамның заңдары мен нормаларын орындауға, құқықтары біліп оны құрметтеуге тәрбиелеу.