Алматы қаласы күнін мерекелеу қарсаңында №178 мамандандырылған лицейде #ILOVEALMATY хэштегімен оқушылар арасында Алматыдағы ең үздік фото онлайн байқауы өткізілді. Байқау қашықтық форматта өткізілді. Байқауға (7-11 жас,12-16 жас) аралығындағы оқушылар қатысты.

Алматы қалалық «Ақылды сабақ – білім сапасын көтеру» жобасы оқу үдерісінің сапасын арттырудың негізгі факторын дамытуға бағытталған. №178 мамандандырылған лицейдің ағылшын тілі пәні мұғалімі, педагог-зерттеуші Досқожаева Нұргул Елшібекқызы «Ақылды сабақ - білім сапасын көтеру» жобасындағы кәсіби шеберлігі мен сараптама жұмыстарына белсене қатысқаны үшін Алматы қаласы Білім басқармасының Құрмет грамотасымен марапатталды.

Мұғалімнің негізгі кәсіби құзіреттіліктерінің бірі – шығармашылығы. Алатау ауданы №178 мамандандырылған лицейдің математика пәнінің мұғалімдері, педагог-шебер Бектасова Алмагул Ибраимовна, педагог-зерттеуші Китапбаева Бакыт Турысбековна 9 және 11 сыныптарға қорытынды аттестация тапсырмаларын дайындауда қалалық білім берудегі жаңа технологиялардың ғылыми-әдістемелік орталығымен жүйелі жұмыс жасап келеді. Шығармашыл мұғалімдердің жұмыстары бағаланып, құрмет грамоталарымен марапатталды.

Тәуелсіздігіміздің 30 жылдығын мерекелеу аясында №178 мамандандырылған лицейде "Алтын күз" тақырыбында 5-6 сыныптар арасында көрме ұйымдастырылды. Мақсаты: оқушыларды қоршаған ортаны қорғауға, еңбекке үйрету.