Алматы қаласы Алатау ауданы бойынша өткен Қазақ және Әлем классигі Абай Құнанбайұлының 175 жылдығына орай «Мен және менің ұйымым» атты сайысынан «Бас Жүлде» иегерлері атанған оқушыларымызды лицей директоры Қайратбек Хамзаханұлы қабылдап, айтулы жеңістерімен құттықтады.   Оқушыларымызға алдағы уақытта аудан, қала, республика көлемінде өтетін сайыстарда лицей намысын абыроймен қорғап, жеңіс тұғырына көтеріліп, тек бірыңғай жетістіктерге жете беріңіздер деп, өзінің жылы лебізін білдірді.   

   №178 лицейде кәсіптік бағдар беру жұмысы жоспарлы түрде лицей әкімшіліктерімен келісе отырып жыл бойы жүргізіліп келеді.    Кәсіптік бағдар беру — қоғамның қажеттілігіне қарай әрбір оқушының қабілеттілігі мен бейімділігін ескере отырып, кәсіпке қызығушылығын қалыптастыруға және болашақ мамандығын саналы түрде таңдауға көмектесуде, мақсатты атқарылатын жұмыс. Кәсіптік бағдар беру жұмысы жас ұрпақтың саналы түрде болашақ мамандығын қателеспей таңдауға мүмкіндік жасайды.

     «Ел жастары» клубының белсенді оқушылары №149 мектебінде Қазақ және Әлем классигі Абай Құнанбайұлының 175 жылдығына орай «Мен және менің ұйымым» атты сайысынан «Бас Жүлде» иегері атанды.       Оқушыларымыз ІІ турдан тұратын сайыста мүдірмей, таныстырумен бастап, Абайдың 18 қара сөзіне көрініс қойды.      Осы уақытқа дейін аудан көлемінде өткен сайыстарда, І-ІІ тоқсан аралығында 9-10 сынып оқушылары бастап берген дара жолды, 7-8 сынып оқушылары жаңа ІІІ тоқсанда әдемі жалғастыра білді.    

    2020 жылдың 17 қаңтар күні  «Адалдық сағаттары» бірыңғай республикалық акциясы бойынша №178 лицейде «Адалдық - ардың ісі» тақырыбында 7-11 сыныптар арасында сынып сағаттары өткізілді. Акцияға 1409 оқушы қамтылды, сонымен қатар Қамқоршылық кеңесінің төрағасы Сатаев Санат Акылжановичтің қатысуымен 8,9,10 сынып оқушыларымен кездесу ұйымдастырылды. 

   2020 жылдың 16,17 қаңтар күндері №178 лицейде "Бала тәрбиесі - отбасы мен мектептің ажырамас бөлшегі" тақырыбында жалпы  ата-аналар жиналысы өтті.     Ата-аналар жиналысының көздеген басты мақсаты – бала тәрбиесіндегі ата- ананың алатын орнының ерекше екендігін түсіндіру; Отбасы мүшелерінің арсындағы бауырмалдық, қайырымдылық,достық қарым-қатынасты қалыптастыру;  Баланың өмірінің қауіпсіздігі туралы, жол және өмір қауіпсіздігі туралы, діни теріс ағымдарға алданбаудың алдын алу бойынша

   Лицейіміздің мұғалімдері Республикалық «Педагогикалық идеялар фестивалі» сайысына қатысып,  жүлделі орындарға ие болды.    Биология пәнінің мұғалімі Айдарова Айдана І дәрежелі дипломмен,  физика пәнінің мұғалімі Жумағулова Сағила және көркем еңбек пәнінің мұғалімі Кутумов Берік ІІІ дәрежелі дипломдармен марапатталды.    Марапаттарыңыз құтты  болсын, құрметті де, қадірлі ұстаздар!