Көрісу – амандықтың, бірліктің белгісі!

Лицейімізде ұлттық дәстүрімізді дәріптейтін Көрісу – Амал мерекесі ерекше сән-салтанатпен аталып өтті. Бұл игі шараны 9-сынып оқушылары жоғары деңгейде ұйымдастырып, көрермендерге көтеріңкі көңіл күй сыйлады.

Оқушылар қазақ халқының ежелден келе жатқан көрісу дәстүрінің мән-маңызын сахналық көріністер, ұлттық нақыштағы қойылымдар арқылы әсерлі жеткізе білді. Ізгі тілектер айтылып, үлкенге құрмет, кішіге ізет көрсетілген бұл мереке барша қауымға жылулық пен қуаныш сыйлады.

Ұлттық құндылықтарымызды насихаттап, салт-дәстүрімізді жаңғыртуға үлес қосқан 9-сынып оқушыларына және ұйымдастырушыларға алғысымыз шексіз!

Береке мен бірліктің бастауы болған Амал мерекесі әр шаңыраққа амандық, молшылық, шаттық әкелсін!