«Дарын» республикалық ғылыми-практикалық орталығы 2023-2024 оқу жылына мамандандырылған білім беру ұйымдарына оқуға түсуге құжаттар қабылдауды бастайтындығын хабарлайды.Құжаттарды қабылдау 2023 жылғы 1 ақпан мен 15 сәуір аралығында www.qabyldau.daryn.kz сайтында онлайн-тіркеу түрінде жүзеге асырылады. Тіркеуден өзіңіз таңдаған мамандандырылған білім беру ұйымының қабырғасында көрсетілген мерзім аралығында өтуге болатындығын хабарлаймыз.Толық ақпарат www.qabyldau.daryn.kz сайтында.

        Келесі аптада оқушыларымыздың көктемгі каникулы басталады. Демалыс 2022 жылғы 19 наурыздан басталып, 30 наурызды қоса алғанда 12 күнге созылады. Оқушыларымызға осы аптада жақсы оқып, тоқсандық бағаларын жақсартуларына тілектеспін.

  Қолөнер бұйымдарын жасап үйрену, сол арқылы оқушылардың шығармашылық қабілеттерін дамыту – әр мектептің басты әрекеті. Оқушыларды қоғамдағы жаңа өзгерістер мен өз халқының дәстүрі, ойлау жүйесі туралы рухани негізін дамыта отырып, білім меңгеруге, еңбек етуге үйрету қажет. Осы орайда лицейде оқушыларды қолөнерге баулу, олардың шеберлігін дамыту қолға алынған. Мәселен, 6 "Б" сынып оқушылары бүгінгі көркем еңбек сабағында қолөнер жұмыстарын дәріптеп, өрмек тоқуды насихаттады.

   Соғыс жылдарындағы ауыл тұрмысын шығармаларына арқау еткен Сайын Мұратбековтың «Жусан иісі» повесінің бас кейіпкері – Аян. «Баяғыда бір жетім бала болыпты...» деп басталатын ертегілерді ойдан шығаратын Аян бақытты балалық шақтың қызығын көрмей өскен. Осы кейіпкердің хикаяты жайлы лицейдің 6 "Г" сыныбының оқушысы Фархад Сауле оқып шығып, өз шығармашылығын шыңдауда.

Ең құнды сыйлық бұл – қолдан жасалған туынды. Өз қолыңызбен сыйлық жасау жағымды әрі пайдалы, ол қиялды дамытады және біздің дағдылар ауқымын кеңейтеді. Сонымен қатар, сіздің сүйікті адамдарыңыз сізге өз жанының бір бөлігін және жылы қарым-қатынасты салған эксклюзивті сыйлықты сыйлық ретінде алу өте жағымды. Өзін-өзі басқару ұйымының "Ел жастары" клубының белсенді оқушысы Абылай Бейбарыс алда келе жатқан 8 Наурыз - Халықаралық әйелдер күніне орай қолдан анасына мерекелік сыйлық дайындау үстінде.

🎯ЖАДЫНАМА: "Кибербуллинг - балаңызды интернеттегі шабуылдан қалай қорғауға болады" (ата-аналарға арналған)

✍️ "Мамандық таңдау бойынша ата-аналарға кеңестер"

   Ауған соғысы 1979 жылдың 27 желтоқсанында КСРО қарулы күштерінің Ауғанстанға басып кіріп, оның ішкі істеріне қол сұғуы салдарынан тұтанған соғыс. Соңы аяқталмас соғысқа ұласқан бұл қасірет елдің тек өз ішінде ғана емес оған сырт мемлекеттердің қатысуымен ұзаққа созылды. №178 мамандандырылған лицей директорының тәрбие ісі жөніндегі орынбасары Б.Н.Кутумовтың ұйымдастыруымен 9 "И" сынып оқушылары Ауған ардагерлеріне арналып қойылған ескерткішке тағзым жасап, гүл шоқтарын қойып қайтты.

   15 ақпан күні №178 мамандандырылған лицейде "Дәстүр мен ғұрып" жобасы аясында 7-сыныптар арасында "Ұлттық тағамдар мәзірі" тақырыбында сынып сағаты өткізілді. Мақсаты: қазақтың дастарқаны туралы толық мәлімет алу, салыстыру, қазақтың ұлттық тағамдарының түрлерімен танысып білу.