№178 мамандандырылған лицейдің 10-11 сынып оқушылары "Тұран" университетінде өткен "Үздік бизнес жоба" конкурсына қатысып, 1 дәрежелі дипломмен марапатталды. Жеңістеріңіз бен жетістіктеріңіз көп болсын! Шығармашылық жұмыстарыңызға толағай табыстар тілейміз! 

№178 мамандандырылған лицейде 6-11 сынып оқушыларына «Жолда жүру ережесін сақтаймыз!» тақырыбында түсіндірмелі жұмыстары жүргізілді. Мақсаты: Оқушыларды жол белгілерімен, жолда жүру ережелерімен таныстыру. Жол қауіпсіздігі сақталмаған жағдайда кездесетін жарақаттар немесе түрлі жағдайлар туралы әңгімелеу. Оқушыларды көшеде дұрыс жүріп, жол ережелерін, қауіпсіздігін білуге, есте сақтауға тәрбиелеу.  

№178 мамандандырылған лицейде 6-11 сынып оқушыларына «Мемлекеттік рәміздер – ұлттық мақтанышымыз» тақырыбында сынып сағаттары өткізілді. Мақсаты: Оқушыларды Отансүйгіштікке, адамгершілікке, Отанына, халқына адал қызмет етуге, елінің Туын, Елтаңбасын, Әнұранын қастерлеп, құрметтеуге, халқының тегін, тарихын білуге тәрбиелеу.

Эстетикалық пәндер, дене шынықтыру, АӘ және технологиялық дайындық кафедрасының айлығы аясында «Өнерлі ұрпақ – кемел болашақ» тақырыбы бойынша лицейішілік 7-8, 9-11 сынып оқушылары арасында шахматтан жарыс өтті. Шараның негізгі мақсаты жасөспірімдердің шахматқа деген қызығушылығын оятып, оқушылар арасында спорттың шахмат түрін кеңінен насихаттау, жас ойыншылардың кәсіби шеберлігін арттыру, балалар арасында жаңа дарынды ойыншыларды анықтау, оқушылардың ой-өрісін кеңейту, логикалық ойлау

МҚКК "Оқушылар сарайының" ұйымдастыруымен өткен "Мен соғыс туралы көп естідім" әскери патриоттық әндер байқауында №178 мамандандырылған лицейдің 6 "Ә" сынып оқушылары Мұхитжанқызы Райхан мен Қалдарбек Айкөркем жүлделі 2-орынды иеленді. Өнерлі оқушыларымызды жетістіктерімен құттықтаймыз!

7 мамыр – Отан қорғаушылар мерекесі аясында N178 мамандандырылған лицейдің ер азаматтары, лицей директоры Шадиев Қайратбек Хамзаханұлының алғыс хатымен марапатталды.

№178 мамандандырылған лицейде 2023 жылдың 15 мамыр күні лицейішілік саптық түзеу өткізілді. Бұл дәстүрлі саптық жиында Қазақстан Республикасының мемлекеттік әнұраны орындалды. Сонымен қатар, білім алушыларға тәрбиелік түсіндірме жұмыстары жүргізіліп, оқушылар апталық жетістіктерімен марапатталды.

2023 жылдың 13-14 мамыр күндері мектеп оқушылары арасында ХХIII ашық қалалық Жәутіков олимпиадасы өтті. N178 мамандандырылған лицей оқушысы Алипбаева Малика физика пәні бойынша 1-орын иеленді. Білім шыңын бағындырып, жеңіс тұғырынан көрінген оқушымызды шын жүректен құттықтаймыз!

N178 мамандандырылған лицейдің әкімшілігі, мұғалімдері және оқушылары "Жасыл мекен" атты челленджге қатысуда. Мақсаты: білім алушылардың еңбекқорлығы мен ортаға деген қамқорлығын кеңейту.

«Almaty Ustazy – 2023» жас мұғалімдердің қалалық конкурсының «Мен кәсіби мұғаліммін» тақырыбындағы екінші кезеңі өтті. Конкурсқа қатысушы физика пәнінің мұғалімдері №178 мамандандырылған лицейде сараптамалық кеңес мүшелерінің қатысуымен сабақ өткізді. Конкурс барысында лицей директоры К.Х.Шадиев, ҚББЖТҒӘО ғылыми-әдістемелік және инновациялық бөлімінің әдіскері Д.Ж.Байсұлтанов, үйлестіруші Алатау ауданы Білім бөлімінің әдіскері А.Б.Смагулова тараптарынан байқауға қатысушыларға жан-жақты қолдау