"Білім алушылардың аралық аттестаттау қорытындысы және келесі сыныпқа көшіру туралы"

2026 жылдың 29 мамыр күні лицейде «Білім алушылардың аралық аттестаттау қорытындысы» тақырыбында педагогикалық кеңес өтті. Педагогикалық кеңес барысында 2025–2026 оқу жылы бойынша білім алушылардың оқу жетістіктері, аралық аттестаттау нәтижелері және оқу бағдарламаларын меңгеру деңгейі жан-жақты талқыланды. Күн тәртібінде 5–8 және 10-сынып оқушыларын келесі сыныпқа көшіру мәселесі қаралып, білім алушылардың жылдық қорытынды бағалары, оқу үлгерімі мен тәртібі сараланды. Пән мұғалімдерінің есептері тыңдалып, сынып жетекшілерінің мәліметтері негізінде тиісті шешімдер қабылданды.

Педагогикалық кеңес қорытындысы бойынша оқу бағдарламасын толық меңгерген білім алушыларды келесі сыныпқа көшіру туралы шешім қабылданып, оқу-тәрбие үдерісінің сапасын арттыруға бағытталған бірқатар ұсыныстар берілді.