Алматы қаласы мұғалімдері арасындағы әйелдер волейбол жарысы өтті

Қазақстандағы кәсіподақ қозғалысының 120 жылдығына арналған Алматы қаласы мұғалімдері арасындағы әйелдер волейбол жарысы өтті. Жарысқа қаланың 8 ауданынан іріктелген үздік командалар қатысты. Мақсаты — білім беру мекемелеріндегі мұғалімдер арасында салауатты өмір салтын қалыптастыру, педагогтардың спорттық шеберлігі мен физикалық дайындығын арттыру, ұстаздар арасындағы достық пен ынтымақтастықты нығайту болды.

Лицейіміздің намысын жаттықтырушысы әрі ойыншысы М.К. Утешова мен команда ойыншысы А.Е. Әбішева қорғады. Жарыс тартысты әрі қызықты өтті. Нәтижесінде жеңімпаздар анықталып, кубоктар, медальдар және дипломдармен марапатталды. Соның ішінде Алатау ауданының қыздар құрамасы жүлделі ІІ орынға ие болды.