Жаратылыстану кафедрасының онкүндігінің аясында №178 мамандандырылған лицейдің химия пәні мұғалімі Тәліп Марал 8 «Ә» сынып оқушыларымен «Химиялық элементтердің табиғи ұяластары және олардың қасиеттері» тақырыбында ашық сабақ өткізді. Сабақ барысында интерактивті ойындар, топтық жұмыстар, қалыптастырушы бағалау, химиялық іс-тәжірибелер жүргізіліп оқушылардың пәнге деген қызығушылықтары арта түсті. Сабақ өз мақсатына жетіп, қызықты және тартымды өтті.

№178 мамандандырылған лицей оқушылары қазіргі заманғы география ғылымының мәселелері саласындағы ғылыми-зерттеумен айналысатын ғалыммен онлайн форматта кездесті. Кездесуге Абай атындағы Қазақ ұлттық педагогикалық университеті,«Жаратылыстану-география» институтының деканы, г.ғ.д. профессор Каймулдинова Күләш Дүйсенбайқызы қатысты. Күләш Дүйсенбайқызы өз сөзінде, географияның зерттеу саласын физикалық және экономикалық деп қарастырсақ, уақыт өткен сайын географиялық процестердің өзгеруі география

N178 мамандандырылған лицейде 25 қаңтар күні 11-сынып оқушыларына кәсіби бағдар беру мақсатында Алматы қаласындағы Қазақ бас сәулет құрылыс академиясының спикері ЖОО туралы ақпаратпен бөлісіп, оқу бағдарламалары оның ерекшеліктері мен жеңілдіктері жайында үгіт-насихат жұмыстарын жүргізді.

    № 178 мамандандырылған лицейде "Оқушылардың жаратылыстану-ғылыми және оқу сауаттылығын, креативті ойлауын дамытуда АКТ мүмкіндіктерін тиімді пайдалану жолдары" тақырыбында жаратылыстану кафедрасының онкүндігі өтуде. Онкүндік аясында ұйымдастырылған ашық сабақтар, сыныптан тыс іс-шаралар, интеллектуалдық ойындар, тәрбиелік шаралар оқушының функционалдық сауаттылығы мен креативті ойлау дағдысын қалыптастыруға мүмкіндік берері сөзсіз.

№178 мамандандырылған лицейдің психологтары Агажанова Жанна, Жамалова Гаухар “Менің Асыл қасиеттерім” тақырыбы бойынша психологиялық тренинг өткізді. Тренинг барысында оқушылар психологиялық ойын жаттығуларын орындады. “Қадір – қасиет” жаттығуында қатысушылар туралы ақпарат алды, топ ішінде жағымды атмосфера құрылды, өздерінің мінез қасиеттерін танып білді. Тренинг соңында оқушылар алған әсерлері бойынша бір-бірлерімен ой бөлісіп, жылы тілектерін айтып өтті.

№178 мамандандырылған лицейде директордың тәрбие ісі жөніндегі орынбасары Б.Н.Кутумовтың ұйымдастыруымен лицей психологтары Ж.А.Агажанова мен Г.Ж.Жамалова жас полиция көмекшілеріне "Кибербуллинг деген не?" тақырыбында тренинг өткізді. Тренингтің мақсаты: кибербуллинг туралы мәлімет беру, кибербуллингке тап болу белгілері және оның салдары, көрсетілетін көмектер туралы түсінік беру.

🎯 ЖАДЫНАМА "Оқушыларға қашықтықтан оқыту бойынша ұсыныс, кеңестер!"

Өзі туралы ойын дамыту, сенімді сезіну үшін тұлғаны психологиялық күйге келтіру мақсатында «Үміт, сенім бізді алға жетелейді!» тақырыбында №178 мамандандырылған лицей психологтары Ж.А. Агажанова мен Г.Ж. Жамалова 11-сынып оқушыларымен психологиялық аутотренинг жүргізді. Тренинг барысында ҰБТ-ға баратын оқушылардың өзіне деген сенімділігін арттырып, ҰБТ-ға деген жағымсыз ойлардан, қорқыныш-үрейден арылтып, жағымды эмоциялық көңіл күй тудыруға жағдай жасалынды.

N178 мамандандырылған лицейде 5-11 сынып оқушылары арасында «Адалдық жүрген жерде - адамдық жүреді» тақырыбында сынып сағаттар өткізілді. Мақсаты: өскелең жас ұрпақтың өн бойына адалдық, парасаттылық, әділдік, сенім құндылықтарын сіңіруге және жас буынның рухани болмысын бекітіп, сыбайлас жемқорлыққа қарсы мәдениетін қалыптастыру.  

№178 мамандандырылған лицей психологтары Ж.А.Агажанова мен Г.Ж.Жамалова 5-8-сынып оқушыларының бойларындағы үрей мен қорқыныштарын сейілту мақсатында "Біз үрейден қалай құтыла аламыз?" тақырыбында тренинг өткізді.Тренинг барысында қойылған сұрақтарға оқушылар өз пікірлерін білдіріп отырды.