Кәсіби бағдар беру

     Қаламыздағы жоғары оқу орындарының бірі — "NARXOZ" университетінің кәсіби бағдар беру бойынша мамандары мектебімізге арнайы келіп, оқушыларға түсіндірме жұмыстарын жүргізді. Кездесу барысында университеттің білім беру бағдарламалары, грант мүмкіндіктері, академиялық ұтқырлық, студенттік өмір және қабылдау талаптары туралы жан-жақты ақпарат берілді. Оқушылар өздерін қызықтырған сұрақтарын қойып, болашақ мамандықтарын таңдауға қатысты пайдалы мәліметтер алды. Осындай мазмұнды кездесулер оқушылардың кәсіби бағыт-бағдарын айқындауға және саналы таңдау жасауына үлкен септігін тигізеді.