Буллингтен қорған – «ДОСБОЛLIKE»

Лицейімізде оқушылардың қауіпсіз ортасын қалыптастыруға арналған «ДОСБОЛLIKE» тақырыбындағы тәрбие сағаты өтті.

Іс-шара барысында балалар буллингтің түрлері мен оның салдары туралы ақпарат алып, оны алдын алу жолдарын талқылады. Оқушылар бір-біріне құрметпен қарау, өзгелердің сезімін ескеру және қиын сәтте достарына қолдау көрсету сияқты маңызды дағдыларды меңгерді.

Сабақтың негізгі мақсаттары:

-жанжалдан шығудың қауіпсіз жолдарын үйрету;

-өз-өзіңді қорғаудың тиімді тәсілдерін көрсету;

-сыныпта достық пен сыйластық атмосферасын қалыптастыру.

Балалар бір ауыздан «ДОСБОЛLIKE – буллингке жол жоқ!» деген ұстанымды қабылдап, достық пен мейірімнің әрбір ортада басты құндылық екенін атап өтті.