Лицейде – республикалық пән олимпиада жеңімпаздарының жетекшілері қонақта

"Біртұтас" тәрбие бағдарламасы аясында лицей ұжымы республикалық пән олимпиадасында топ жарып, жеңіске жеткен дарынды оқушылардың жетекшілерін құшақ жая қарсы алды. Республиканың кіл мықты, майталман мамандарына лицейіміздің дарынды оқушылары өз шығармашылықтарын таныстырып, үздік ұстаздарымыз озық тәжірибелерін таратты. Бұл кездесу білім жолындағы табыстар мен жаңа идеялардың алмасу алаңына айналды. Ұжымымыздың күш-жігері мен шәкірттеріміздің табандылығы арқасында әрбір жеңіс, әрбір қадам — біз үшін үлкен мақтаныш. Беделіміз бен мерейіміз күннен-күнге асқақтай берсін!