«Халық Қаhарманы» және «Қазақстанның Еңбек Ері» жоғары атағын алған тұлғалармен кездесу өтті

2024 жылдың 28 қараша күні №178 мамандандырылған лицейде елімізде «Халық Қаhарманы» және «Қазақстанның Еңбек Ері» жоғары атағын алған тұлғалармен кездесу өтті. Лицейдің өзін-өзі басқару ұйымы «The Spice Lab» зерттеу лабораториясында оқушылардың үздік ғылыми-зерттеу және шығармашылық жұмыстарымен таныстырды. Қонақтардың құрметіне орай оқушылардың қолымен құрастырылған зымырандар мен дрондар ұшырылды.

⚜️ Сонымен қатар, лицейдің үздік оқушылары заманымыздың қаһармандары алдында «Жас Ұлан» бірыңғай балалар мен жасөспірімдер ұйымына салтанатты түрде қабылданды. Дәуірдің дара тұлғаларының ерліктерін насихаттау, сондай-ақ «Еңбек Ерлерін» үлгі ете отырып, жастарға азаматтық-патриоттық тәрбие беруде өткізілген кездесу оқушылардың бойына ерекше рух ұялатып, елін жүрекпен сүйе білуге баулыды.