«Тиімділігі мен сапа үшін» тақырыбында дөңгелек үстелі өтті

2021 жылдың 10 ақпанында №178 мамандандырылған лицейде Алатау ауданы мектептерінің басшылары мен орынбасарларының «Тиімділігі мен сапа үшін» тақырыбында дөңгелек үстелі өтті. Дөңгелек үстел барысында Алатау ауданы Білім бөлімінің басшысы Ақмурзаева Қарлығаш Меделбековна  «Білім – болашаққа салынған капитал» екендігін тілге тиек ете отырып,  қазіргі кездегі ауданымыздың білім мен тәрбиенің өзекті мәселелері бойынша ой қозғады. Дөңгелек үстел аясында лицей директоры Ы.Алтынсарин белгісінің иегері Шадиев Кайратбек Хамзаханович «Менеджмент және экономикалық модельдеу» тақырыбында лицей тәжірибесімен ой бөлісті.  Кайратбек Хамзаханович өз сөзінде «Кәсіпкерлік және бизнес негіздері» курсының жүргізілуіне,  функционалдық сауаттылықты дамытуда алған білімдерін практикалық жағдайларда тиімді пайдалануға мүмкіндік беретін негізгі құзыреттіліктерге,  оқу пәні шеңберінде меңгерілген ерекше білім,  іскерлік,  дағды ерекшеліктеріне тоқталды.