Тәуелсіздік – қазағымның төлқұжаты

    Желтоқсан айының 10 күні «Тәуелсіздік – қазағымның төлқұжаты, Тәңірім, мәңгілікке мөрін басқан!» тақырыбында тәрбие сағаты өткізілді. Тәрбие сағаты лицейіміздің жанынан құрылған «Ел Жастары» клубы және  кітапхана меңгерушісі Гүлшира Жүнісбековамен бірге Тәуелсіздік күнін дәріптеу мақсатында ұйымдастырылды. 
    Тәуелсіздік  – бабаларымыздан, боздақтарымыздан біздерге қалған үлкен сый, аманат. Бабалар мен боздақтардың болашақ ұрпаққа қалдырған басты құндылығы болып табылады. Тәуелсіз еліміз, тек Тәңірге ғана тәуелді болып, көк аспанның көгінде көк туымыз желбіреп, айбынды гимніміз шырқалып, елеулі елтаңбамыз еленіп, еліміз аман, жұртымыз тыныш болсын! 
Алда келе жатқан Тәуелсіздік күні құтты болсын, баршамызға! Тәуелсіздік – ерлік пен елдіктің қайнар көзі.