Оқушылар «Alatau Creative Hub» орталығына барып, заманауи кітапхана қорымен танысты.

16.02.2022 күні 7ғ және 7д сынып оқушылары «Alatau Creative Hub» орталығына барып, заманауи кітапхана қорымен танысып, бос уақытты тиімді өткізу үшін маңызды ақпарат алып қайтты. Сынып жетекшілері М.К. Кенжебаева мен А.А. Ауелбекова оқушыларды орталықта орналасқан өнер мұражайына саяхат жасату арқылы Ұлы Даланың саз өнерінің тарихымен терең танысуға мүмкіндік жасады. Халықтық музыка тарихы, дәстүрлі ән өнері туралы ақпараттар оқушылардың рухани жан дүниесін байытып, мәдениетіміз бен әдебиетімізді ұлттық құндылық тұрғысынан бағалауға ықпал ететіні ақиқат.