Қазақстан Республикасы Оқу-ағарту министрлігі әзірлеген "Игі істер" акциясын қолдау мақсатында лицейіміздің 9 "Д" сынып жетекшісі Кенжебаева Мая Қыпшаққызы сынып оқушыларымен "Шаңырақ"  әлеуметтік қызмет көрсету орталығына барып, қариялармен кездесіп, жылы лебіздері мен алғыстарын алып қайтты. Әрі ұйымдастырылған іс-шара оқушылар мен жас жеткіншектерді еңбекқорлық пен ұйымшылдыққа үйретудің тиімді әдісі болды.  

     02-03.05.2024ж. Максим Горький атындағы орталық мәдениет және демалыс саябағында Коммунальное Управления образования «Қалалық дене шынықтыру және спорт оқу-тәжірибелік орталығы» ұйымдастырумен «Ұлттық мектеп лигасы» аясында жеңіл атлетикалық кросс спорт түрінен 9-11сыныптар арасында жарыс өтті. Жарыста қаламыздың ең үздік жүйріктері сайысқа түсті. Нәтижесінде Алатау ауданының намысын қорғаған лицейіміздің командасы 3-орынды иеленді. Жеңісті күндер көп болсын! Құттықтаймыз!  

     2024 жылдың 3-5 мамыр аралығында №208 мектеп-гимназияның және Almaty PhysTech school мектептерінің базасында 7-8 сынып оқушыларына арналған жалпы білім беретін пәндер бойынша республикалық олимпиаданың қалалық кезеңі өтті. Олимпиадада 12 пән бойынша 396 оқушы бақтарын сынады.      Олимпиада қорытындысы бойынша лицейімізден 20 оқушы қатысып, 9 оқушымыз   жүлдегер атанды. Білім сайысында мектебі мен ұстаздарының артқан сенімін ақтай білген оқушыларды шын жүректен құттықтаймыз!

     Лицейіміздің 10-11 сынып оқушылары Абай атындағы Қазақ Ұлттық Педагогикалық Университеті ұйымдастырған кәсіби бағдар беру бойынша "Ашық есік" күніне қатысып келді. Университет тынысы, институттар және мамандық бойынша маңызды ақпараттар толықтай айтылды.