28
июнь
2022
Белсенді оқушымыз Амитбек Айбын аудан бойынша ҮЗДІКТЕР шеруінде
Белсенді әрі үздік бол, қоғамға үлесіңді қос, содан кейін өзіңе берілген мүмкіндікті пайдаланып, уақытыңды тиімді өткіз. Дәл осындай үрдіспен жүретін "Ел жастары" клубының белсенді оқушысы Амитбек Айбын қазіргі таңда "Өрнек" жазғы демалыс лагеріне жолдама алып, "Жас Ұлан" балалар мен жасөспірімдер ұйымының үздіктер шеруіне лицейіміздің атынан қатысып, демалыс уақытын тиімді өткізуде.
Жыл бойы лицейдің қоғамдық жұмыстарына өз үлесін қосып, білімде де, қоғамдық жұмыстарда да үздіктер қатарынан көріне білген белсенді оқушымызға жақсы демалыс тілейміз! Сондай-ақ аудан бойынша белсенді, үздік оқушылардың басын қосып, қолдау көрсеткені үшін Алатау ауданына қарасты Оқушылар үйінің "Жас Ұлан" балалар мен жасөспірімдер ұйымының бас әдіскері Қырықбаева Жанат ханымға өз алғысымызды білдіреміз!