"Лицей ауласын көгалдандырайық!" тақырыбында өткен іс-шараға лицейіміздің биылғы түлектері өз үлестерін қосты.

   Биология пәнінің мұғалімі, педагогика ғылымдарының магистрі, педагог-зерттеуші Бастерова Балхия Айдарқұлқызының ұйымдастыруымен лицейіміздің биылғы түлектері, 11-сынып оқушылары "Атадан мал қалғанша, тал қалсын!" акциясы негізінде "Лицей ауласын көгалдандырайық!" тақырыбында өткен іс-шараға ат салысып, өз үлестерін қосты. Біз де өз кезегімізде жалынды жастарымызға, дарынды оқушыларымызға өз алғысымызды білдіреміз.

"Оқушылардың бойына патриоттық сезімін ұялатып, елге, жерге, қоғамға, соның ішінде білім алған алтын ұясына үлес қосу біз үшін үлкен мақтаныш", -дейді акцияны ұйымдастырушы Балхия Айдарқұлқызы.

Ақ жол, жас түлек! Білім алу жолдарыңызда қанаттарыңыз талмасын! Сәт сапар!