«Болашақтың негізін бізбен бірге қала!» ұранымен KazGASA-ның білім беру бағдарламалары таныстырылды.

2022 жылдың ақпан айының 1 жұлдызында еліміздің жоғары оқу орындарының арасында ерекше орны бар Қазақ бас сәулет-құрылыс академиясы халықаралық білім беру корпорациясының білікті мамандары мен №178 мамандандырылған лицейдің түлектері арасында кәсіптік бағдар беру бойынша кездесу өтті. Кездесу барысында «Болашақтың негізін бізбен бірге қала!» ұранымен бакалавриат бағыты бойынша KazGASA-ның білім беру бағдарламаларымен таныстырып өтті. Сәулет, сән, дизайн, түрлі материалдар өндірісі т.б. мамандық түрлері жайлы толыққанды түсінік берді. Болашақта еліміздің өркендеуіне өз үлесін қосамын деген түлектерді сапалы білім алуға шақырады.