Лицей оқушылары "IQ Almaty" интеллектуалдық ойынында

Қалалық "Almaty" телеарнасы ұйымдастырған "IQ Almaty" интеллектуалдық ойынына лицей оқушылары қатысып, Алатау ауданының намысын абыроймен қорғады. 10-11 сынып оқушыларынан құралған "Алатау қырандары" командасы деген атаумен сайысқа түскен оқушыларымыз лайықты өнер көрсете білді. Оқушыларымыз ҚБТУ, СДУ, АТУ университеттерінің студенттерін жеңіп, финалға тікелей жолдама алған болатын. Ал, финалдық ойында оқушыларымыз Алматы техникалық колледжінің студенттеріне есе жіберді. Сайыста география, тарих, физика пәндерімен қатар, логикалық сұрақтар қойылып, ойын өте тартысты және қызықты, әрі жоғары деңгейде өтті. Өз кезегімізде сайысқа қатысқан дарынды оқушыларымызға үлкен алғысымызды білдіреміз.